有幾個途徑可供選擇:
啤梨當然選乘旅遊巴士 Shortline Coach USA ,從 Port Authority Bus Terminal PABT (其實好近 Time Square,地鐵 A/C/E 線) 出發,來回車費連 Outlets VIP Coupon Book 共 US$ 42 (曾經有旅遊網誌話,可以在買車票時講明唔要本 Coupon Book,但新政策係 硬食無得扣減)。 班次算是頻密,車票沒有限制班次;車程約一小時,中途不停站,比其他旅遊巴在市內兜去兩三個 pick-up points 快。
購買車票方法:
號稱美國東部最大嘅 Woodbury Common Premium Outlets ,去到紐約當然不會錯過。 由於車費不算平 (US$42 約等於 HK$330),各位兄弟姊妹一定要有策略才可以歸本。
首先,如果你/妳是喜愛追求最新款,或不太穿有品牌服飾嘅朋友可以 不去;其次是你/妳一定要上官網查清楚有否你/妳喜愛品牌;最後,下定決心去的話,當天最好早起,乘搭九點前的班次,到達後換取 Coupon Book,並即刻睇吓你/妳喜愛嘅品牌有幾多折扣。
如果你/妳還未睇熟 Coupon Book,就要記住每次結帳時都 show 吓本 Coupon Book 問下 cashier 有無折扣。
最後,黃昏乘車離開的人比較多,要預早排隊,否則要等下一班車。
啤梨想在此分享一些關於 Outlets 購物資訊。 外國曾經有報導指出 部分品牌 Outlets 所售賣產品與專門店有出入,如 Michael Kors (見下圖),UGG 等,大家可以 按此 了解多一點。 雖然外觀不同,但都係屬於原廠正貨。
(旅遊日期:2018 年 5 月)